АҚШ президенти Жо Байден Индонезияда ўтказиладиган G20 саммити иштирокчилари билан Украина инқирозини ҳал қилиш бўйича эҳтимолий қадамларни муҳокама қилишни режалаштирмоқда.
«Бу саммит кейинги қадамлар қандай бўлиши мумкинлигини муҳокама қилиш учун имконият беради», — деди Байден Оқ уйда бўлиб ўтган матбуот анжуманида.
«Менга Россия президенти у ерга келмаслигини айтишди. Лекин муҳокама учун бошқа иштирокчилар бўлади», — дея қўшимча қилди Америка раҳбари.
Бундан ташқари, саммит доирасида Хитой раиси Си Цзиньпин билан учрашса, Байден Тайван атрофидаги вазият ва савдо алоқаларини муҳокама қилмоқчи.
«Ҳеч қандай фундаментал ён беришга тайёр эмасман. Мен «қизил чизиқларимизни» белгилашни истайман, Хитойнинг энг муҳим манфаатларини тушунмоқчиман ... ва бизнинг манфаатларимиз бир-бирига зид келадими ёки йўқлигини аниқламоқчиман», — деди Байден.
Америка етакчисининг айтишича, у Си Цзиньпин билан Тайван ҳужумга учраган тақдирда, АҚШнинг оролни ҳимоя қилиш нияти ҳақида гаплашмоқчи.
«Ним бўлмасин бизда муҳокама учун масалалар кўп», — дея якунлади Байден.
Изоҳ (0)