Жаҳон соғлиқни сақлаш ташкилоти (ЖССТ) раҳбари Тедрос Адханом Гебрейесус февралдан буён COVID-19 билан касалланиш оқибатида ўлим ҳолатлари сони 90 фоизга пасайганини ижобий силжиш деб атади. Бу ҳақда «Интерфакс» хабар бермоқда.
ЖССТ раҳбари қайд этишича, ўтган бир ҳафта давомида 9,4 минг киши коронавирус туфайли вафот этган. Февраль ойида эса бир ҳафталик ўлим кўрсаткичи 75 минг атрофида бўларди.
«Биз узоқ йўлни босиб ўтдик, ва бу ҳақиқатан ҳам оптимизм учун сабаб бўла олади. Аммо биз ҳукуматлар, жамиятлар ва барча одамларни ҳушёр бўлишга чақирамиз», — деди у.
Гебрейесус вируснинг янги вариантлари ҳалигача пайдо бўлиб тургани сабабли, огоҳ бўлишга чақирди.
COVID-19 пандемияси бошидан буён, ЖССТ маълумотларига кўра, бутун дунё бўйлаб 629 миллион киши касалланган ва 6,5 миллион одам вирус оқибатида вафот этган.
Изоҳ (0)