Фарғонада 15 ёшли ўсмир дўкондан савдо қилиб, пулини тўламагани боис сўроқ қилиниб, Қўқон шаҳар ИИБга олиб борилгани хабар берилганди. Бош прокуратура ахборот хизмати раҳбари Ҳаёт Шамсутдиновнинг қўшимча қилишича, марҳум ўлимида айбланган икки нафар тарбияланувчи қамоққа олинган.
Ҳозирги кунда ушбу ҳолат бўйича Жиноят кодексининг 104-моддаси 3-қисми «д» банди билан (жабрланувчининг ўлимига сабаб бўлган оғир тан жароҳати етказиш) жиноят иши қўзғатилиб, тергов ҳаракатлари олиб борилмоқда. Тергов мобайнида икки нафар вояга етмаган тарбияланувчи марҳум Р.Абдусатторовни уриб, унинг ўлимига сабаб бўлган тан жароҳатлари етказгани маълум бўлди, — дейилади Бош прокуратура ахборот хизмати раҳбари берган маълумотда.Қайд этилишича, мазкур ҳолат гувоҳларнинг кўрсатмалари ва бошқа далиллар билан ўз исботини топган.
Шу сабаб жиноят иши доирасида ушбу икки нафар вояга етмаган тарбияланувчи қамоққа олинди.Бундан ташқари, ички ишлар ходимларига нисбатан хизмат текшируви тайинланган. Бош прокуратура томонидан мазкур жиноят иши тергови ва текширув устидан назорат ўрнатилган, — дейди Ҳаёт Шамсутдинов.
Изоҳ (0)