Хоразмда террористик ташкилот сафига қўшилмоқчи бўлган аёл ушланди. Бу ҳақда ЎзА хабар берди.
Маълум қилинишича, Хоразм вилоятида яшовчи 23 ёшли А.С. интернетдан фойдаланиши давомида Суриядаги халқаро террористик ташкилот жангарилари таъсирига тушиб, улар сафига қўшилиш учун чиқиб кетаётган вақтда вилоят ҳуқуқ-тартибот идоралари томонидан қўлга олинган.
Аниқланишича, А.С. ўзининг танишларига диний даъватлар қилиб, интернет орқали уларга «жангари»ларнинг қўпорувчилик фаолияти акс этган видеороликларни тарқатиб келган.
Ҳозирда унга нисбатан Жиноят кодексининг тегишли моддалари билан жиноят иши қўзғатилиб, ҳибсга олинди. Тергов ҳаракатлари давом этмоқда.
Изоҳ (0)