Farg‘onada 15 yoshli o‘smir do‘kondan savdo qilib, pulini to‘lamagani bois so‘roq qilinib, Qo‘qon shahar IIBga olib borilgani xabar berilgandi. Bosh prokuratura axborot xizmati rahbari Hayot Shamsutdinovning qo‘shimcha qilishicha, marhum o‘limida ayblangan ikki nafar tarbiyalanuvchi qamoqqa olingan.
Hozirgi kunda ushbu holat bo‘yicha Jinoyat kodeksining 104-moddasi 3-qismi “d” bandi bilan (jabrlanuvchining o‘limiga sabab bo‘lgan og‘ir tan jarohati yetkazish) jinoyat ishi qo‘zg‘atilib, tergov harakatlari olib borilmoqda. Tergov mobaynida ikki nafar voyaga yetmagan tarbiyalanuvchi marhum R.Abdusattorovni urib, uning o‘limiga sabab bo‘lgan tan jarohatlari yetkazgani ma’lum bo‘ldi, — deyiladi Bosh prokuratura axborot xizmati rahbari bergan ma’lumotda.Qayd etilishicha, mazkur holat guvohlarning ko‘rsatmalari va boshqa dalillar bilan o‘z isbotini topgan.
Shu sabab jinoyat ishi doirasida ushbu ikki nafar voyaga yetmagan tarbiyalanuvchi qamoqqa olindi.Bundan tashqari, ichki ishlar xodimlariga nisbatan xizmat tekshiruvi tayinlangan. Bosh prokuratura tomonidan mazkur jinoyat ishi tergovi va tekshiruv ustidan nazorat o‘rnatilgan, — deydi Hayot Shamsutdinov.
Izoh (0)