Ўзбекистоннинг Жаҳон савдо ташкилотига қўшилиш жараёни жадаллаштирилади. Бу ҳақда 10 ноябрь куни Самарқандда бўлиб ўтаётган Ўзбекистон—Венгрия бизнес-форумида инвестициялар ва ташқи савдо вазири Жамшид Хўжаев маълум қилди.
Унинг таъкидлашича, Жаҳон савдо ташкилотига қўшилиш жараёнини жадаллаштириб, унинг тўлақонли аъзосига айланиш Ўзбекистондаги ислоҳотларнинг кейинги устувор йўналишларидан биридир.
Шунингдек, қонун устуворлигини таъминлаш, суд-ҳуқуқ тизимини янада ислоҳ қилиш, коррупцияга қарши самарали курашиш, банк-молия тизимларини замон талабларига мос равишда такомиллаштириш, давлат улуши мавжуд бўлган йирик саноат ва инфратузилма корхоналарини хусусийлаштириш ҳам устувор йўналишлар қаторидан ўрин олган.
Энергетика, транспорт, соғлиқни сақлаш ва таълим соҳаларида қўшма лойиҳаларни амалга оширишда давлат-хусусий шериклик механизмларини жорий этиш ҳам янада кенгайтирилади.
Мазвуга доир:
Изоҳ (0)