The Muslim 500 — «Дунёнинг энг нуфузли 500 мусулмони» рўйхатининг 2023 йил учун рейтингини эълон қилди. Унда Ўзбекистон президенти Шавкат Мирзиёев ҳам ўрин олди.
Биринчи ўринни Саудия Арабистони подшоси Салмон ибн Абдул Азиз ал-Сауд эгаллади. Туркия президенти Ражаб Тоййиб Эрдўғон тўртинчи ўринни эгаллаган.
Рўйхатдан яна бир қатор давлат раҳбарлари — Қозоғистон президенти Қосим Жўмарт Тўқаев, БАА президенти Муҳаммад бин Зоид ал-Наҳаён, Саудия Арабистони валиаҳд шаҳзодаси Муҳаммад бин Салмон ал-Сауд, Чеченистон президенти Рамзан Қодиров, Покистон бош вазири Шаҳбоз Шариф ҳам ўрин олган.
Маълумот учун, The Muslim 500 рўйхати 2009 йилдан буён эълон қилиб келинади ва унга мусулмон дунёсига сиёсий, мафкуравий, маданий ва бошқа йўналишлар бўйича таъсир кўрсата олган таниқли инсонлар киритилади.
Изоҳ (0)