Непалда юз берган зилзила пайтида уй қулаб, олти киши ҳалок бўлди, яна беш киши жароҳат олди. Бу ҳақда маҳаллий Аннапурнапост портали ва Нагарик News газетаси хабар бермоқда.
Газетанинг таъкидлашича, қурбонлар орасида беш нафар бола ҳам бор. Зилзила зонасида бошқа уйлар ҳам зарар кўрган.
Непал зилзилаларни мониторинг қилиш ва тадқиқ қилиш миллий маркази сайтида айтилишича, мамлакат ғарбидаги Доти ҳудудида 4,1 дан 6,6 баллгача кучли силкинишлар кузатилган. Европа Ўрта Ер денгизи сейсмологик маркази (EMSC) сайти зилзила магнитудаси 5,6 ни ташкил этгани ва 10 километр чуқурликда содир бўлганини хабар қилди.
Осиёнинг Ани агентлиги маълумотларига кўра, зилзила оқибатидаги ер силкинишлари ҳатто Ҳиндистон пойтахти Деҳлида ҳам сезилган. Шаҳар зилзила эпицентридан 300 километр узоқликда жойлашган.
Изоҳ (0)