Россиянинг Кострома шаҳридаги кафеда юз берган ёнғин оқибатида 15 киши ҳалок бўлди, деб хабар бермоқда «ТАСС» фавқулодда хизматларга таяниб.
Ёнғин кечаси 2 яримларда бошланган. Бу пайтда кафеда кўп сонли одамлар бўлган; 250 киши эвакуация қилинган.
Бинонинг 3,5 минг квадрат метр майдонида том қулаб тушган.
Дастлабки маълумотларга кўра, ёнғинга пиротехникадан фойдаланиш сабаб бўлган бўлиши мумкин — хўрандалардан бири сигнал ракетасини отувчи тўппончани қўллаган. Айни пайтда у қидирилмоқда.
Тергов қўмитаси эҳтиётсизлик туфайли икки ёки ундан ортиқ кишининг ўлимига сабаб бўлиш ҳақидаги модда бўйича жиноят иши қўзғатди.
Изоҳ (0)