Сочиқ кун давомида бир неча марта ишлатилади, шунинг учун улар тез-тез ювилади. Аммо уларни ювишда кўпчилик хатога йўл қўяди. «Lisa.ru» нашри уларнинг бир нечтасини эслатиб ўтди.
Иссиқ сувда ювиш
Иссиқ сув оқ матолардаги доғларни олиб ташлаш учун фойдалидир, лекин сочиқ бўлса, аксинча, зарарли. Бундай ювишдан кейин унинг ранги ўчади, хиралашади ва юмшоқ мато қаттиқлашади. Сочиқларни ювишда 60 даражадан юқори бўлмаган ҳарорат режимидан фойдаланиш тавсия этилади.
Бошқа кийимлар билан ювиш
Кир машинасининг барабанига сочиқни бошқа нарсалар ёки чойшаб билан қўймаслик зарур. Тугма, металл замок, декоратив элементлар матони тортиб олиши ва ҳатто йиртиб ташлаши мумкин. Шунингдек, машинани 2/3 дан ортиқ юкламаслик лозим. Қурилма тўла бўлса, ювиш сифати ёмонлашади.
Ювишдан олдин доғларни тозалаб олмаслик
Бу хато ошхона сочиқларини тозалашда содир бўлади. Матода ҳар доим ёғ соус, ўсимлик мойидан қолган доғлар бўлади. Уларни тозалаш жуда қийин ва кир машинасида ювиш мумкин эмас. Кир ювиш совуни ва кислородли оқартиргичлар доғлар билан курашишга яхши ёрдам беради.
Кир ювиш кукунини кўп солиш
Кўп нарса ҳар доим ҳам яхши дегани эмас. Кир ювиш учун кўрсатилганидан кўп маҳсулот солмаслик лозим. Кукун толаларга киради ва яхши ювилмайди. Агар доимий равишда қўшимча ювиш цикли ишлатилса, материал тезроқ эскиради.
Кондиционердан фойдаланасизми?
Кондиционер сочиқ матосига салбий таъсир қилади. Сочиқ қаттиқлашади, намликни ютиши ёмонлашади. Юмшоқлик учун болалар буюмлари кондиционери ёки ошхона сиркасидан фойдаланиш яхшироқ.
Изоҳ (0)