Бундай хатолар нафақат кўплаб янги таом пиширувчилар, балки катта тажрибага эгалар томонидан ҳам содир бўлади. Таомнинг янада ёқимли, вақтни эса самарали ўтиши учун улардан воз кечиш тавсия этилади, деб ёзади Marie Claire.
Ҳаттоки яхши ошпазлар ҳам ўз ишида хато қилади. Бунинг сабаби нафақат текширилмаган рецепт, балки чарчоқ, эътиборсизлик ёки шошқалоқлик ҳам бўлиши мумкин.
Пиширишдан олдин рецептнинг фақат бир қисми билан танишиш
Ҳар қандай инсон янги таом тайёрлашдан аввал фақатгина рецептнинг бир қисми билан танишиб чиқади ва дарҳол ишга киришади. Аммо бу ёндашув жиддий муаммоларга олиб келиши мумкин. Муаммо шундаки, баъзи рецептлар учун керакли маҳсулотлар пишириш жараёнида ҳам зарур бўлиб қолиши мумкин. Шунинг учун ҳар қандай рецепт билан тўлиқ танишиб, керакли маҳсулотларни кўриб чиққан ҳолда ошхонадаги жараённи бошлаш тавсия этилади.
Ошхона столида тартибсизлик
Тартибсиз иш столида бирор нарса пишириш бир қанча муаммоларга олиб келади. Аслида бу гигиенага ҳам тўғри келмайди. Ошхонанинг иш жойини тоза сақлаш қиймати ҳар бир ошпазлик мактабида сингдирилган ва бунинг яхши сабаби бор. Бу тез ва тартибли ишлаш имконини беради ҳамда шунчаки вақт ва кучни тежайди. Тартибли ошхона кераксиз ҳаракатларнинг олдини олишга ёрдам беради.
Нотўғри пичоқ турлари
Пичоқни олишдан олдин, уни нима учун ишлатишни ўйлаб кўриш зарур. Саримсоқ каби кичкина нарсани майдаламоқчимисиз? Ёки бутун товуқ каби каттароқ нарсаними? Ҳар доим тўғри ўлчамдаги пичоқни ишлатиш зарур. Ошпаз гўшт учун алоҳида, мева ва сабзавотлар учун бошқа пичоқларга мурожаат қилиши лозим.
Нотўғри ўлчамдаги тахтакач
Кичкина тахтакач жуда чиройли, аммо улар айрим маҳсулотлар учун мос эмас. Масалан, бутун қовурилган товуқ у ерга сиғиши мумкин, аммо уни бўлаклаш ноқулайлик туғдиради. Шунинг учун ишлашда етарли жой ва қулайликка алоҳида эътибор бериш лозим.
Қиздирилмаган това
Кўпгина таомларни пиширишда қиздирилмаган товага маҳсулотлар солинади. Бу тўғри эмас. Бунинг натижасида маҳсулотлар шунчаки товадаги ёғни ўзига шимиб олади. Товани оловда бироз қиздириб, сўнгра қовуришни бошлаш уларга ўзгача таъм қўшади.
Идишни тўлдириб таом пишириш
Кўп миқдордаги маҳсулотларни кичик идишда пишириш мумкин эмас. Бу маҳсулотларни яхши ва мазали чиқишига кафолат бермайди. Чунки кичик идиш юоқрисида қолган маҳсулотлар фақатгина буғда пишиши мумкин. Шунинг учун маҳсулотлар ҳисобга олинган ҳолда уларга мос идишлар танланиши керак. Қолаверса, қовуриладиган маҳсулотлар ҳам пишиши жараёни бир-бирига тегмаслиги зарур. Идишда маҳсулотлардан ташқари бўш жой қолишига эътиборли бўлинг.
Овқат пишириш пайтида овқатни татиб кўришни истамаслик
Доимий таъмни назорат қилмасдан пишириш ҳам энг кўп учрайдиган хатолардан бири. Таомни қайта-қайта татиб кўриш, унинг тайёрлигини, зираворлар миқдорини ва бошқа муҳим жиҳатлари текширилиши керак. Бироқ уни татиб кўриш жараёнида зираворлар учун ишлатилган қошиқдан фойдаланмаслик зарур. Чунки таъм борасида адаштириши мумкин.
Изоҳ (0)