Бугун, 3 ноябрь куни Тошкент шаҳрида Экология ва атроф-муҳитни муҳофаза қилиш давлат қўмитаси томонидан атмосфера ҳавосидан намуна олиш ва мониторинг қилиш бўйича медиа-тур бўлиб ўтди.
«Дарё» мухбирининг хабар беришича, қўмита ҳузуридаги Атроф-муҳитни муҳофаза қилиш соҳасида ихтисослаштирилган таҳлилий назорат маркази мутахассислари томонидан Тошкент шаҳрининг Яккасарой ва Чилонзор туманлари атмосфера ҳавосининг майда чанг заррачалари (PM10 ва PM2,5) билан ифлосланиш ҳолати ўрганилган.
Атмосфера ҳавосининг ҳолатини баҳолаш СанҚ ва МЎР 0293-11 «Ўзбекистон Республикаси ҳудудида аҳоли пунктларининг атмосфера ҳавосидаги ифлослантирувчи моддалар рўйхати» гигиеник стандартига мувофиқ амалга оширилган.
Ўрганиш натижаларига кўра, Тошкент шаҳрининг ҳавосида аниқланаётган ифлослантирувчи моддалар учун рухсат этилган максимал бир марталик концентрация (ПДКм.р.) бўйича белгиланган меъёрлардан ошгани кузатилмаган.
Маълумот учун: майда чанг зарралар – бу 10 микрометрдан кам ёки 2,5 микрометрдан кам бўлган зарраларнинг концентрацияси (PM10 ва PM2,5 фракциялар). Шаҳар муҳитида муаллақ моддаларнинг миқдори ҳаво сифатининг асосий кўрсаткичларидан биридир.
Изоҳ (0)