Bugun, 3-noyabr kuni Toshkent shahrida Ekologiya va atrof-muhitni muhofaza qilish davlat qo‘mitasi tomonidan atmosfera havosidan namuna olish va monitoring qilish bo‘yicha media-tur bo‘lib o‘tdi.
“Daryo” muxbirining xabar berishicha, qo‘mita huzuridagi Atrof-muhitni muhofaza qilish sohasida ixtisoslashtirilgan tahliliy nazorat markazi mutaxassislari tomonidan Toshkent shahrining Yakkasaroy va Chilonzor tumanlari atmosfera havosining mayda chang zarrachalari (PM10 va PM2,5) bilan ifloslanish holati o‘rganilgan.
Atmosfera havosining holatini baholash SanQ va MO‘R 0293-11 “O‘zbekiston Respublikasi hududida aholi punktlarining atmosfera havosidagi ifloslantiruvchi moddalar ro‘yxati” gigiyenik standartiga muvofiq amalga oshirilgan.
O‘rganish natijalariga ko‘ra, Toshkent shahrining havosida aniqlanayotgan ifloslantiruvchi moddalar uchun ruxsat etilgan maksimal bir martalik konsentratsiya (PDKm.r.) bo‘yicha belgilangan me’yorlardan oshgani kuzatilmagan.
Ma’lumot uchun: mayda chang zarralar – bu 10 mikrometrdan kam yoki 2,5 mikrometrdan kam bo‘lgan zarralarning konsentratsiyasi (PM10 va PM2,5 fraksiyalar). Shahar muhitida muallaq moddalarning miqdori havo sifatining asosiy ko‘rsatkichlaridan biridir.
Mavzuga doir:
Izoh (0)