Германия ҳукумати Россия газини алмаштириш мамлакатга тахминан 45,4 миллиард еврога тушади, деб ҳисобламоқда. Бу ҳақда Германия парламенти эълон қилган ҳисоботга таяниб Bloomberg хабар берди.
Германия Иқтисодиёт вазирлиги якуний кўрсаткичлар газ нархи динамикасига боғлиқ бўлишини таъкидлаган.
Ҳукумат Россия газини Норвегиядан етказиб бериш билан алмаштираётгани, шунингдек, АҚШ, Қатар, Жазоир ва Африканинг бошқа қисмлари каби мамлакатлардан суюлтирилган газ харидини амалга ошираётганини тушунтирган.
Берлиндаги Hertie менежмент мактаби томонидан ўтказилган тадқиқот натижалари кеча эълон қилинди. Унга кўра, Германия саноати 2022 йил сентябрида 2021 йилнинг шу даврига нисбатан газ истеъмолини 20 фоизга камайтиришга муваффақ бўлди.
Аввалроқ Олаф Шольц Германия Россия газига қарамликдан қутулганини эълон қилганди.
Изоҳ (0)