Николаевга янги ҳужум, Донбассда кечаётган жанглар. Урушнинг 251-кунидан фоторепортаж
1 ноябрга ўтар кечаси рус қўшинлари Николаевни яна ўққа тутди: шаҳарда катта вайронагарчилик юз берди, бир аёл ҳалок бўлди.
Кремль вакили Дмитрий Песковнинг айтишича, Россияда сафарбарликни тугатиш бўйича президент Владимир Путиннинг алоҳида фармони бўлмайди, чунки унинг сўзларига кўра, бундай фармоннинг кераги йўқ. Айни пайтда, 87 минг сафарбар қилинган россиялик аллақачон жанговар ҳудудга жўнатилган, деди Россия мудофаа вазири Сергей Шойгу. «Новая газета. Европа » сафарбарлик бошланганидан бери камида юз нафар сафарбар қилинган одам вафот этганини аниқлади — бу фақат расман тасдиқланган ҳолатлар. Россияда ҳарбий хизматга кузги чақирув бошланди. Meduza урушнинг 251-кунига оид асосий фотосуратлар билан бўлишди.
Оккупация остидаги Херсон Украина Қуролли кучларининг ҳужумини кутмоқда
Аввал Россия адмирали Фёдор Ушаковнинг ҳайкали бўлган пойдевор. Октябрь ойининг охирида Херсоннинг оккупацион ҳукумати Украина Қуролли кучлари ҳужумидан ҳимоя қилиш учун ҳайкални шаҳардан олиб кетишди. Ушаков ҳайкали билан бир қаторда руслар қўмондон Александр Суворов ҳайкалини демонтаж қилди ва Екатрина даври давлат арбобларидан бўлган Григорий Потемкиннинг қолдиқларини Херсондан кўчирди.Фото: Reuters
«Viboр сделан. Херсон — Россия« (Танлов қилинди. Херсон — Россия) шиори акс этган билборд фонидаги велосипедчи. Сентябрь ойи охирида Херсон вилоятининг босиб олинган қисмида, шунингдек Запорожье вилоятининг россияликлар томонидан эгалланган қисмида ҳамда Донецк ва Луганск халқ республикаларида Россия таркибига қўшилиш бўйича референдумлар ўтказилганди. Россия томонидан тайинланган маъмуриятга кўра, Херсон вилоятида овоз берганларнинг 87,05 фоизи Россия таркибига қўшилишни маъқуллаган.Фото: Reuters
Мушук кўтарган бола Херсондан «эвакуация» қилинаётганлар билан паромда.Фото: Reuters
Донбасс шимолидаги жанглар
Северскнинг бомбардимон қилинган кўчасида велосипед етаклаб кетаётган аёл. Шаҳар уруш бошидан буён Украина кучлари қўлида қолмоқда ва доимий равишда россиялик ҳарбийлар томонидан ўққа тутилмоқда.Фото: AFP
Украина вертолёти Донецк вилоятидаги Святогорск шаҳри осмонида — июнь ойидан сентябргача Россия истилоси остида бўлган шаҳар 12 сентябрь куни Украина Қуролли кучлари назоратига қайтди.Фото: Reuters
Украинанинг ўзиюрар гаубицасидан нишонга олинган ҳудуд кўриниши. Фотосурат Баҳмут яқинида олинган — шаҳар учун шиддатли жанглар давом этмоқда. Американинг Урушни тадқиқ этиш институти сўнгги маълумотларига кўра, Украина қуролли кучлари Баҳмутга ҳужумларни муваффақиятли қайтармоқда ва бу Россия армиясини шаҳарга юриш суръатини пасайтиришига мажбур қилмоқда.Фото: Anadolu
Россия армиясининг Баҳмут ҳудудидаги позицияларига қарата Украинанинг ўзиюрар гаубицасидан ўт очилмоқда.Фото: Anadolu
Ракета зарбасидан кейин Баҳмут осмонига тутун кўтарилмоқда.Фото: Reuters
Николаевга навбатдаги ҳужум оқибатлари
Қутқарувчилар харобалар остидан аёлнинг жасадини олиб чиқмоқда. 1 ноябрь куни Россия қўшини Николаевни ўққа тутди. Шаҳарда ўнлаб бинолар буткул ёки қисман шикастланган, бир аёл ҳалок бўлган.Фото: Reuters
Фото: Reuters
Аракс номидаги Биринчи Украина гимназияси зарбалардан кейин.Фото: Reuters
Компьютер техникалари дўкони деворида ўқ излари қолган Apple логотипи.Фото: Getty Images
Зарбалардан ҳимоялаш мақсадида қум тўлдирилган қоплар билан ўраб қўйилган ёдгорлик атрофида шахмат ўйнаётган николаевликлар.Фото: Getty Images
Николаев осмони — электр энергиясини режали ўчириш чоғида, Украина ҳукумати Россия қўшинларининг энергетика инфратузилмаларини ёппасига ўққа тутиши оқибатида шундай чора қўллашга мажбур бўлмоқда. Россия зарбаларига учраётган Украина энергия тизими юкламага дош бера олиши учун ҳудудларда маълум вақт токни ўчиришга тўғри келмоқда. Фото: EPA
Изоҳ (0)