АҚШ Давлат департаменти миналарни зарарсизлантиришга қаратилган лойиҳа доирасида Украинага шошилинч гуманитар ёрдам кўрсатадиган Тетра Теч компаниясига 47,6 миллион доллар ажратди. Бу ҳақда Давлат департаменти матбуот хизмати хабар берди.
Компания украиналикларга пиёдаларга қарши миналар, портламай қолган миналар, ташландиқ ўқ-дорилар, қўлбола портловчи қурилмалар ва бошқа портловчи мосламаларни топиш ҳамда зарарсизлантиришни ўргатади.
Лойиҳа Украина сапёрлар уюшмаси маҳаллий нодавлат ташкилоти билан сапёрлар гуруҳларини ташкил этиш бўйича ҳамкорликни кўзда тутади.
«Украина ҳукуматининг ҳисоб-китобларига кўра, мамлакат ҳудудининг 160 минг квадрат километри ифлосланган бўлиши мумкин — бу майдон АҚШнинг Виржиния, Мериленд ва Коннектикут штатлари ҳудудига тенг», — дейилади департамент хабарида.
Лойиҳа Украинага миналардан тозалаш учун 91,5 миллион доллар ажратишни назарда тутади. Вашингтон бу пулларни Киевга келаси йил давомида тўлиқ ўтказади.
Изоҳ (0)