Ҳар мавсум учун янги оёқ кийим моделлари ишлаб чиқарилса-да, қишки пойабзаллар орасида классик даражага эришганлари мавжуд. Уларнинг жойи ҳамиша гардеробда бўлиб, қишки образни мукаммал тарзда тўлдиради. Grazia нашри ҳеч қачон урфдан қолмайдиган оёқ кийим моделлари билан таништириб ўтди.
Боғичли ботинкалар кўп қирралилиги туфайли мода рейтингида биринчи ўринни эгаллайди. Ушбу пойабзал нафақат қиш мавсумида, балки куз ва баҳорда ҳам кўйлаклар билан кийилади. Ушбу моделдаги оёқ кийимлар ҳар қандай образ учун мос келади. Шунинг учун бир мавсумдан кўпроқ вақт давомида содиқлик билан хизмат қиладиган бундай вариантни рад қилмаслик зарур.
Боғичли пойабзаллар билан рақобатлашадиган яна бир модель — бу барчанинг севимли челси этиклари. Куз келиши билан замонавий аёллар биринчи навбатда бу пойабзалларни тайёрлаб қўяди, улар нафақат қулай, балки ҳашаматли ҳам кўринади. Ушбу модель узоқ вақт хизмат қилиши учун унинг нейтрал рангдагисини харид қилиш лозим.
Спорт услубида кийинишни ёқтирмайиган хонимлар учун, албатта, нафис кўринишга эга пошнали этиклар модели мавжуд. Улар қулайлиги ҳамда чиройли кўриниши билан ҳамиша урфда. Бу каби моделдаги этикларни кўйлак ёки юбкалар билан бирлаштириб, ажойиб образ ҳосил қилиш мумкин.
Ўта баланд пошнада кун давомида ишлаш, албатта, қийинчилик туғдириши мумкин. Шунинг учун мутахассислар ўртача баландликдаги пошнали этикларни тавсия қилади. Улар ҳам деярли классик услубга яқинлиги билан урфдан қолмайди.
Кроссоовкаларни нафақат қуруқ об-ҳавода, балки уларнинг қалини қиш кунларида ҳам кийиш мумкин. Кроссовклар қулайлиги ҳамда иссиқлиги билан ҳамон қишки гардеробнинг энг юқори қисмидан жой олган. Фақатгина харид чоғида қиш учун мўлжалланганини танлаш тавсия этилади.
Изоҳ (0)