The North Face бренди калитлар учун курткалар ишлаб чиқарди (фото)
Американинг юқори сифатли спорт ва тоғ кийимлари ҳамда сайёҳлик анжомларини ишлаб чиқарувчи The North Face компанияси калит учун мўлжалланган ажойиб брелоклар сериясини чиқарди. Бу ҳақда модалар уйининг расмий сайти маълум қилди, деб ёзади «Korrespondent.net».
Тўплам афсонавий Nupse пар курткалари дизайнига асосланган бўлиб, гап Mini Nupse Jacket деб номланган иссиқ калит брелоклари ҳақда кетмоқда.
Улар чидамли юмшоқ нейлон матодан ясалган кичик курткалар бўлиб, калитни жойлаштириш учун ички томонига ҳалқа ўрнатилган ва ундан калит қутиси сифатида фойдаланиш мумкин.
Қизиғи шундаки, куртка енгларига рюкзак ёки бошқа нарсаларга илиб қўйиш мумкин бўлган жажжи ўтказгичлар ўрнатилган.
The North Face логотипи куртканинг анъанавий қисмида жойлашган. Қўшимча функциялар орасида ажраладиган қалпоқ ва сунъий олд чўнтаклар ҳам мавжуд.
