Ҳар қандай аёлда ўз қоматининг хусусиятларини билиб, камчиликларни яширадиган ва афзалликларни таъкидлайдиган либосларни танлаш имконияти мавжуд, деб ёзади «Новий очаг».
Умумий қоидалар:
- Вертикал чизиқлар озғин, горизонтал чизиқлар эса тўлача кўринишга олиб келади.
- Оч рангли кийимлар тўлача, қора ранглилар эса нозикроқ кўрсатади.
- Аксессуарлар қоматга мос келиши керак: катта сумка, катта заргарлик буюмлари, катта нақшлар тўлачадан келган қизга мос келади. Озғин қизлар учун кичкина сумкалар, мураккаб заргарлик буюмлари, кичик принтли либосларни танлаш тавсия этилади.
Силуэтни визуал равишда узайтириш, уни баландроқ ва нозик кўрсатиш учун либосни вертикал нақшлисини танлаш керак. Бунинг учун вертикал чизиқли костюм ва кўйлаклар, тугмалари бўлмаган пальто ва плашлар мос келади.
Қандай кийимлар қоринни яширади?
Чиқиб кетган қоринни ёки ён томонларини яшириш учун зич матодан тикилган кийимларни танлаш керак.
Кенг кийимлар ҳам бу вазифани яхши бажара олади, лекин улар катта ҳажмли эмас, балки мос ўлчамда бўлиши керак.
Қандай либослар белни ингичка кўрсатади?
Белни таъкидлаш ва уни визуал равишда ингичка қилиш учун белбоғли, корсетли, бел қисми юқори шим ва юбкаларни танлаш тавсия этилади.
Қандай либослар оёқларни узун кўрсатади?
Оёқларни узунроқ кўрсатиш учун товонни қоплайдиган узун шим кийиш лозим. Шунингдек, узун курткалар, бел қисми юқори шим ёки юбкалар ҳам оёқни узун кўрсатади.
Мавзуга доир:
Изоҳ (0)