Одатда оқ ва ёрқин рангли сумкалар кийимларга мос равишда иссиқ мавсумда харид қилинади. Чунки қиш фаслида улар тезда ўз кўринишини йўқотиши мумкин. Grazia нашри ушбу аксессуарларни янги кўринишини сақлаб қолишга ёрдам берадиган лайфхаклар билан бўлишди.
Теридан ишланган сумкаларга устунлик беринг
Совуқ мавсумда аксессуарлар тўқроқ рангга ўзгартирилади, чунки бундай танлов ҳар томонлама қулай ва кийимларга ҳам мос келади. Аммо ташқарида об-ҳаво совуқ бўлса ҳам оқ рангли сумкалардан воз кечишнинг кераги йўқ. Сумкаларнинг ташқи кўринишига путур етказишдан энди хавотир олмаса ҳам бўлади — фақатгина уларнинг теридан ишлаб чиқарилганига аҳамиятли бўлиш лозим. Бу сумкалар намликни ичкарига киритмаслиги, унинг ичидаги барча нарсалар хавфсиз бўлишини англатади,
Махсус салфеткалардан фойдаланинг
Аёлларнинг сумкасида ҳамма нарсани топилиши мумкин. Муҳим нарсалардан ташқари, аксессуарда салфеткалар ҳам бўлиши керак. Айниқса, сумка оқ бўлса, унда ушбу қоидани эътиборсиз қолдирмаслик лозим — шундан кейин ташқи кўриниш ҳақида ташвишланиш шарт эмас. Махсус салфеткалар ёрдамида сумкани доғлардан осонгина тозалаш мумкин.
Сумкага сув ўтказмайдиган махсус восита қўлланг
Пойабзал ёки сумка бўлсин, ташқарига чиқишдан олдин ҳар қандай чарм маҳсулотга сув ўтказмайдиган восита қўллаш муҳимдир. Бундай маҳсулотлар намликни ютишга имкон бермайди. Махсус жараён сумкани автоматик равишда ҳимоя қилади, ҳар қандай ёғингарчилик замонавий кўринишга халақит бермайди. Аммо буни жуда кўп амалга ошириш тавсия этилмайди ёки сумкаларни сотиб олаётганда батафсил кўрсатмалар билан танишиб чиқиш керак.
Оқ сумкани бошқа ранглиларидан алоҳида сақланг
Ушбу лайфхак сумканинг қордек оппоқ рангини сақлаб қолишдан жуда яхши ёрдам беради. Аксессуар хавфсиз жойда бўлса ҳам, уни бошқа рангли маҳсулотлардан алоҳида сақлаш муҳимдир. Бунинг натижасида сумканинг ранги ўзгариши эҳтимоли сезиларли даражада камаяди. Шунингдек, махсус халталарда сақлаш унинг нафақат кир бўлишининг, балки чизилиб кетмаслигининг ҳам олдини олади.