Кўпчилик мода олами вакиллари қандай қилиб доимо ҳашамдор ва замонавий кўринишга эга бўлишига ҳайрон қолади. Аслида эса уларнинг аксарияти ҳар қандай вазиятда ёрдам берадиган олтин қоидаларга амал қилади ва либосларнинг мукаммал комбинациясига мурожаат қилади. Marie Claire нашри ҳам бу борада асқатадиган фойдали маслаҳатлар билан бўлишди.
Оверсайз жакет ва джинси шим энг қулай ҳам ажойиб комбинациялардан бири сифатида гардеробдан жой олган. Ушбу услуб ҳар кунлик ёки муҳим учрашувлар учун ҳам мос келади. Масалан, шунчаки футболка ва кроссовка ёрдамида спорт услуби яратилса, кофта ҳамда пошнали туфли ёрдамида бутунлай расмий кўринишни ҳосил қилиш мумкин.
Куз фаслини миди узунликдаги либослар мавсуми деса ҳам бўлади. Айнан ушбу узунликдаги либослар учун эса пошнали этиклар айни муддао. Бундай кўйлакларнинг трикотажини ҳам топиш мумкин. Образга мос келувчи деталлар, масалан, катта тошли маржонлар ташқи кўриниш ҳамда комбинацияни янада мукаммаллаштиради.
Харид ёки сайр учун чиққанда айнан ушбу образни такрорлаш мумкин. Бу каби кўриниш нафақат замонавий, балки қулай ҳамдир. Леггинс, свитшот ва крассовка комбинацияси ҳар қандай аёл гардеробидан ўрин олиши керак.
Костюм ва шим комбинацияси куз кириб келиши билан урфга айланади. Ушбу классик услубни ҳозирда турли оёқ кийимлар билан бирлаштириш мумкин. Масалан, кроссовка, пошнали пойабзал. Устки кийимлар ҳам шу маънода образга путур етказмайди. Яратилган образ эса айнан бир жой учун мўлжалланмаган. Бундай кўриниш билан учрашув, мажлис ёки саёҳатга ҳам чиқиш мумкин.
Кенг бичимли ёки клёш шимлар аёллар гардеробининг асосий қисмига айланди. Аввалгидек қоматга урғу берувчи либослар эса баъзида тантаналар учунгина кийилмоқда. Аксарият офисда фаолият юритадиган аёллар ҳам қулайлик ва замонавийлик тарафдори. Шунинг учун улар оддий классик костюм, кенг шим, футболка ва кроссовкани уйғунликда кийишга қарор қилмоқда.
Фото: Marie Claire
Изоҳ (0)