АҚШ ва Жанубий Корея қарийб беш йил ичида биринчи кенг кўламли қўшма Вигилант Сторм ҳаво машғулотларини бошлади. Унда 240 дан ортиқ самолёт, шу жумладан илғор «кўринмас самолётлар», хусусан, F-35А «кўринмас қирувчилар» иштирок этмоқда. Бу ҳақда Yonhap хабар берди.
Ушбу машғулотлар Шимолий Корея томонидан бир қатор ракеталар учирилганидан сўнг, қолаверса, Пхеньян яқин орада ядровий синов ўтказиши мумкинлиги ҳақидаги хавотирлар фонида амалга оширилмоқда. Жанубий Корея машғулотларга 140 та самолёт жўнатади. АҚШ эса Япониянинг Окинава оролида жойлашган F-35Б «кўринмас самолётлар»ини тақдим этади.
Машқлар 4 ноябрга қадар давом этади, деб хабар берди АҚШ Тинч океан флоти ҳарбий ҳаво кучлари матбуот хизмати. Уларда АҚШ ва Жанубий Корея ҳарбий-ҳаво кучлари, денгиз пиёдалари корпуси, АҚШ денгиз флоти ва армиясининг «минглаб» ҳарбий хизматчилари иштирок этади. Бундан ташқари, Австралия қироллик ҳарбий-ҳаво кучларининг 33-сонли отряди машқлар учун КC-30А заправкачи самолётини жўнатади.
Машғулотлар давомида жами 1600 дан ортиқ ҳарбий парвозларни амалга ошириш режалаштирилган, Корея Аэрокосмик операциялар маркази эса операцион имкониятларни ошириш учун кучларни бошқаради.
Yonhap хабарига кўра, Жанубий Корея ва Қўшма Штатлар бундай йирик қўшма ҳаво ўқув дастурини 2015 йилда Вгилант АCE номи остида бошлаган. У 2017 йилнинг охиригача, ўша пайтдаги Мун Чже Ин маъмурияти Кореялараро ярашув бўйича фаол кампанияни ташкил этгунга қадар ҳар йили ўтказилган.
28 октябрь куни Жанубий Корея ва АҚШнинг йиллик кенг кўламли «Хогук» машғулотлари ниҳоясига етган эди, унинг доирасида, жумладан, Япон денгизига десант қўниш амалиёти ўтказилди. Манёврларда 6000 дан ортиқ ҳарбий хизматчи, 40 та десант амфибия-машинаси, 50 та самолёт ва вертолёт, ўнта кема иштирок этди.
Изоҳ (0)