Меҳмонхоналар қулайлик, мазали таомлар, оппоқ чойшаблар ва бошқа жойда ҳис қилиб бўлмайдиган ўзига хос ҳид билан ёдимизда қолади. Кўпгина уй эгалари хушбўй ҳиддан меҳмонларни кутиб олишнинг бир қисми сифатида фойдаланади. У эсда қоларли, ёқимли, шу билан бирга таъсирчан бўлмаслиги керак. Биз меҳмонхоналар нима учун ёқимли ҳид таратишини ва уйда бундай ҳидни ҳосил қилиш мумкинлигини аниқладик.

Нима учун хушбўй ҳид маркетинг усули ҳисобланади?

2019 йилда Британиянинг Амбиус хоналарни хушбўйлантириш компанияси меҳмонлар ўртасида сўров ўтказди. Иштирокчиларнинг 91 фоизи ёқимли ҳидлар уларнинг меҳмонхонадаги таассуротларига ижобий таъсир кўрсатишини, 67 фоизи эса меҳмонхона ифорини бўшаштирувчи деб аташган. Гап шундаки, миянинг ҳидни идрок этиш учун масъул бўлган қисми ҳам ҳис-туйғуларни қайта ишлайди ва ассоциацияларни шакллантиради. Хушбўй ҳид носталгия, қулайлик ҳақидаги хотираларни уйғотади, қайта-қайта қайтгингиз келадиган жойга боғлайди.

Меҳмонхоналарнинг ҳиди қандай?

Меҳмонхона ифорини аниқ тасвирлашнинг иложи йўқ, чунки мутахассислар бир нечта парфюмерия турларининг аралашмаларидан фойдаланади. Улар бир-бирини тўлдиради ва бўшлиққа сингиб кетгандек яхлит ҳид ҳосил қилади. Аксарият меҳмонхоналар ванил, жасмин, лаванда, оқ ва қора чой аккордлари билан цитрусли, анбарли, ёғочли ва ўтли ноталардан фойдаланади. Аир Арома (АҚШнинг хушбўй ҳидлар маркетинги агентлиги) бош директори Harper’s Bazaar журналига берган интервьюсида шундай деди: “Асосийси, кучли ҳис қилинмайдиган мувозанатли аралашмага эришишдир. Хушбўй ҳидлар, мусаффо, унчалик ширин бўлмаган ёки гул ифорли бўлиши керак”.

Меҳмонхоналарда хушбўйлик қандай сақланади?

Албатта, улкан меҳмонхонада ифорни яратиш ва сақлаб қолиш қийин. Шунинг учун меҳмонхоналарда майдонга ёқимли ҳидни максимал даражада сингдириш учун барча чоралар кўрилади:

Диффузорлар. Меҳмонхоналарда ҳид тарқатувчи ултратовушли диффузорлар ишлатилади. Улар бир неча жойда туради ва ҳавода ифорни янгилайди. Масалан, ванил, мушк ва сут ҳидига эга Lait de Coton, Euthalia Fragrances диффузори пахта, гуллаш ва тозаликни эслатади. Шунинг учун у хонанинг ҳидини янги ва мусаффо қилади.

Хушбўйлантириш тизими. Хушбўйлантиргичлар меҳмонхонанинг иситиш, вентиляция ва кондиционер тизимлари билан бевосита боғлиқ, шунинг учун улар бутун майдон бўйлаб бир текис тақсимланади. 

Хушбўй ҳидли маҳсулотлар. Меҳмонхоналар учун ноёб хушбўйлар ҳидли маҳсулотлар яратилмоқда. Бу хушбўйлантиргич нафақат хоналарда, балки парвариш воситаларида ҳам қўлланилади: душ геллари, шампунлар, совунлар ва ҳатто кир ювиш геллари учун ҳам ишлатилади.

Спрейлар. Одатда хоналар учун спрейлар ишлатилади. Тозалашдан сўнг улар бутун хона бўйлаб пуркалади. Бироқ бу усул ҳар доим ҳам қулай эмас, чунки спрей тезроқ буғланиб кетади. 

Уйда меҳмонхона ифорини қандай яратиш мумкин?

Тозаликка риоя қилинг. Тозалик — муваффақият гарови. Тоза чойшаблар, пардалар, гиламлар хонанинг ҳидини ўзгартиради ва уни ёқимли қилади. 

Нейтрал ҳидлардан фойдаланинг. Меҳмонхоналарда қандай ноталар ишлатилишини айтиб ўтдик. Нейтрал ҳидга эга бўлган диффузорлар ва хушбўй моддаларни танлашга ҳаракат қилинг: сандал дарахти, пачули, лаванда ёки агава. 

Шамларни ёқинг. Катта меҳмонхоналарда ёқилган шамларнинг ҳиди деярли сезилмайди, аммо улар квартирага жуда мос келади. 

Ҳаво намлагичга мой қўшинг. Шундай қилиб, буғ билан бирга ёқимли ҳид ажралиб чиқади ва у ҳавода узоқ вақт сақланиб қолади. 

Парфюм ва спрейлардан фойдаланинг. Сизнинг ифорингиз хонадоннинг ҳиди билан бевосита боғлиқ. Меҳмонхона ноталари билан атир сувидан фойдаланинг. Айнан шундайларини қуйида тўпладик.