Ўзбекистон миллий терма жамоасининг собиқ сардори Одил Аҳмедов футболчилик фаолиятини якунлаганига нима сабаб бўлганини айтди.
«Менда БАА ва Қатар клубларидан 2-3 та вариант бор эди. Бироқ уларнинг ҳеч бирини кўриб чиқмаганман. Дарҳол рад жавобини бердим. Отамнинг ўлими сабаб фаолиятимни якунлашга қарор қилдим.
2020 йилда отам коронавирусга чалинди. Афсуски, уни енга олмади. Шундан кейин футбол ўйнаш истаги ва иштиёқи йўқолди. Кўп вақтимни оилам билан ўтказдим. 11 йил давомида легионер бўлдим, шу боис Ўзбекистонда кам бўлардим.
Ҳозирча ўзимни мураббийликда кўрмаяпман. Балки маълум вақт ўтиб бу ҳақида ўйлаб кўрарман», — дейди Одил Аҳмедов.
Аҳмедов 2021 йил декабрида футболчилик фаолиятини якунлашини маълум қилганди. Ўша ойда Одил ЎФА вице-президенти лавозимига сайланган.
«Пахтакор» тарбияланувчиси ҳисобланган Аҳмедов фаолияти давомида «Пахтакор» (2006—2011), «Анжи» (2011—2014), «Краснодар» (2014—2016), «Шанхай СИПГ» (2017—2021), «Цанчжоу Майти Лайонс» (2021) каби жамоаларда тўп сурган.
Мавзуга доир:
Изоҳ (0)