«Навбаҳор» бош мураббийи Самвел Бабаян Ўзбекистон Кубоги финали доирасида «Насаф»га қарши кечган ўйиндаги (1:2) мағлубиятдан кейин ўз фикрлари билан бўлишди.
Ўйин ҳақидаМавзуга доир: Рўзиқул Бердиев: «Насаф» айни вақтда «Пахтакор» даражасига чиқиб бўлдиБиринчи навбатда «Насаф»ни ғалаба билан табриклайман. Учрашув тенг курашлар остида ўтди. Ҳеч бир жабҳада улардан қолишдик демаган бўлардим. Фақат бу учрашувда биз улардан битта кам гол урдик. Бизда ҳам бир нечта яхши имконият бўлди. Мухлисларга раҳмат айтаман, улар биз учун узоқ йўл босиб келди ва бизни охиргача қўллаб турди.
Ўйинда борини бериб ҳаракат қилган футболчиларга ҳам раҳмат айтаман, улар охирги кучига қадар кубокни Наманганга олиб кетиш учун ҳаракат қилди. Афсуски, буни уддалай олмадик. Энди Суперлиганинг учта баҳсига максимал тайёргарлик кўришга ҳаракат қиламиз.
«Навбаҳор»нинг режаси иккинчи рақамда ҳаракат қилиш бўлмагани борасида
Йўқ, ундай эмас. Агар кўрган бўлсангиз, рақиб жарима майдончасининг атрофида прессинг қилишни бошладик. Бироқ майдон марказида озгина муаммолар бор эди ва буни танаффусда тўғрилашга ҳаракат қилдик, иккинчи бўлимда жамоа бошқача ўйин кўрсатишни бошлади. Иккинчи бўлимда барчасини тўғриладик ва ўйинда устунликка эришдик.
Ўзгаришларни ўйин якунига яқин амалга оширгани борасида
Бизда жароҳат олган ўйинчилар етарли. Шу сабаб ҳам кичик жароҳатлари бор бўлган Туропов ва Яхшибоевни учрашувнинг сўнгги дақиқаларида туширишга мажбур бўлдик. Афсуски, улар жароҳати бор бўлиб ўйинга қўшилишга мажбур бўлди. Бизда ўйинни кучайтира оладиган бошқа футболчилар йўқ.
«Навбаҳор»даги келажаги ҳақида
Мураббий ишлайди ва қачондир унинг шартномаси якунланади. Биз кеча барқарорлик ҳақида гаплашдик. Биз йил давомида қилган ишларимиз кам эмас деб ўйлайман. «Насаф»нинг асосий кучи доим таркиб барқарор, мураббий ҳам анча йиллардан бери ишлаб келмоқда. Улар битта ритмда ҳаракат қилмоқда.
Биз ҳам сабр қилиб, олға ҳаракат қилсак барқарорлик бўлади. «Навбаҳор»да узоқ йиллар давомида ўйинчилар ва мураббийлар алмашинуви доим кузатилган ва шу сабабли ҳам барқарорлик йўқолган, натижа бўлмаган. Бизга озгина омад етишмади, яхши вазиятларни яратдик, бироқ ўхшамади. Агар барқарорлик бўлса, ҳаммаси яхши бўлади.
Наманганлик мухлисларнинг босим борасида
Яна бир бор таъкидлайман, биринчи даврада кўплаб футболчиларни таклиф қилдик, иккинчи даврада яна кўплаб ўзгаришларни амалга оширдик. Футболчи бўладими мураббийми Наманганда ишлаш учун катта босимни енгиб ўтиши лозим. Финал ҳеч қандай босим бўлмади. Биз мухлислардан фақат куч олдик.
Мухлисларга раҳмат айтамиз, улар биз учун узоқ йўл босиб келди. Биз ҳам уларга катта байрам қилиб беришни истаган эдик. Бироқ бугун бизнинг кун эмас экан, бироқ кейинги учта турда мухлисларни хурсанд қилиш учун бор кучимизни берамиз.
Самвел Бабаян, «Навбаҳор» бош мураббийи
Изоҳ (0)