Наманган вилояти, Поп туманидаги автосарой биноси кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Наманган вилояти Давлат активлари бошқармаси томонидан жойлаштирилган.
Қурилган йили номаълум бўлган ушбу иншоотнинг умумий майдони — 7,7 гектар. Бинонинг майдони — 6 991 квадрат метр.
Бинода сув, электр ва газ таъминоти бор. Канализация тизими эса йўлга қўйилмаган.
Аукционга қўйилган бинонинг бошланғич баҳоси — 14,7 млрд сўм. Аризалар 28 ноябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Навоийдаги «Нурота» меҳмонхонаси қарийб 20 млрд сўмга аукционга қўйилгани ҳақида хабар берилганди.
Изоҳ (0)