Илон Маск Twitter’нинг ишдан бўшатилган уч нафар раҳбарига салкам 200 миллион доллар тўлаши керак — CNN

Илон Маск ишдан бўшатилган Twitter’нинг уч нафар энг яхши менежерига тахминан 187 миллион доллар пул тўлаши керак. Бу ҳақда CNN хабар бермоқда.

Собиқ бош директор Параг Агравал, собиқ молия директори Нед Сегал ва собиқ бош юридик директори Вижая Гадде Маск компания устидан назоратни қўлга киритгандан сўнг ишдан бўшатилган.

Илон Маск компанияни сотиб олганидан кейин Twitter’ни тарк этган бошқа юқори лавозимли ходимларга ҳам ишдан бўшатиш тўловларини бериши керак.

Бир йил муқаддам бош директор унвонини эгаллаган Агравал компания акцияларининг энг кичик қисмига эга эди: Маск тўлаган нархда 8,4 миллион долларлик 155 минг акция.

Сегал ўзига тегишли 406 мингта акция учун 22 миллион доллар олади, Гадде эса 642 мингта акция учун 34,8 миллион доллар олади.

Аммо улар акциядорлар томонидан тасдиқланган қўшилиш шартномасида «Олтин парашют товонини» ҳам олиши керак. Бунга бир йиллик асосий иш ҳақи киради — Агравал учун 1 миллион доллар ва Сегал ва Гадде учун эса 600 минг доллардан. Шунингдек, улар бир йиллик тиббий суғуртага ҳам эга бўлади — тахминан 73 минг доллар.

Ҳозиргача тўловларнинг энг даромадли қисми — улар келажакда олиши керак бўлган, лекин ҳали амалда бўлмаган акцияларнинг тезлаштирилган ҳуқуқидир.

Бу Агравал учун 56,4 миллион доллар, Сегал учун 43,8 миллион ва Гадде учун 19,4 миллион долларга тенг.

The Washington Post нашрининг ёзишича, юридик маслаҳатчи Шон Edgeт ҳам Twitter эгаси ўзгарганидан кейин ўз лавозимини тарк этган.

Аввалроқ Илон Маск Twitter’ни сотиб олгани ва унга ўзи раҳбар бўлгани ҳақида хабар берилганди.