Наманга вилояти, Поп туманидаги нефть база бино-иншоотлари кимошди савдосига қўйилди. Лот маълумотлари «E-auksion» порталида эълон қилинган.
Лот аукционга Наманган вилояти Давлат активлари бошқармаси томонидан жойлаштирилган.
Қурилган йили номаълум бўлган ушбу базанинг умумий майдони — 39 гектар. Бинонинг майдони — 11707,06 квадрат метр.
Нефть базасида сув, электр ва газ таъминоти бор. Канализация тизими эса йўлга қўйилмаган.
Аукционга қўйилган базанинг бошланғич баҳоси — 217,8 млрд сўм. Аризалар 28 ноябрь 09:00 га қадар қабул қилинади. Савдолар худди шу куни 10:00 да бошланади.
Аввалроқ Навоийдаги «Нурота» меҳмонхонаси қарийб 20 млрд сўмга аукционга қўйилгани ҳақида хабар берилганди.
Изоҳ (0)