Давлат статистика қўмитаси 2022 йил январь—сентябрь ойлари бўйича чакана савдо айланмасини эълон қилди.
Мамлакат бўйича чакана савдо айланмаси 214 трлн сўмни ташкил этди. Бу 2021 йилнинг январь—сентябрь ойларига нисбатан 10,8 фоизга кўп.
Барча ҳудудларда ўсиш суръатлари кузатилди. Таркибий қисмлари 70 фоиз кичик бизнес ва хусусий тадбиркорлик субъектлари, 21,7 фоиз йирик корхоналар ва 8,3 фоизи уюшмаган савдо ҳиссасига тўғри келди.
Товар айланмасида энг юқори улуш Тошкент шаҳрида — 25,5 фоиз, яъни 54,5 трлн сўм бўлган.
Мамлакат чакана савдо товар айланмасида энг қуйи улушни Сирдарё вилояти 1,5 фоиз билан 3,2 трлн сўмни ташкил этди.
Йирик корхоналарнинг товар айланмаси ҳажми, 2021 йилнинг январь—сентябрь ойларига нисбатан 28,7 фоизга ўсди. Бу 46,3 трлн сўмга тенг. Бу эса умумий савдо ҳажмининг 21,7 фоиз улушига тўғри келди.
Кичик бизнес ва хусусий тадбиркорлик субъектлари улуши бўйича Сурхондарё (92,3 фоиз), Сирдарё (92 фоиз), Наманган (91,5 фоиз) вилоятлари етакчилик қилмоқда.
Йирик корхоналарнинг улуши 21,7 фоизни ташкил этиб, энг катта улуш Тошкент шаҳрида (40 фоиз), Тошкент (27,1 фоиз) ва Самарқанд (20,8 фоиз) вилоятларида кузатилди.
2022 йилнинг январь—сентябрь ойлари ҳолатига кўра, ўртача аҳоли жон бошига чакана савдо товар айланмаси 6,02 млн сўмни ташкил этди. Бу кўрсаткич 2021 йилнинг мос даврига нисбатан 8,6 фоизга ошган.
Изоҳ (0)