Мета корпорацияси раҳбари Марк Цукербергнинг бойлиги компания акциялари қулаши ортидан 11 миллиард долларга камайди. Бу ҳақда Forbes хабар берди.
Бу йил Цукерберг учун «энг яхшиси бўлмади», чунки пандемия даврида Мета акциялари кескин кўтарилиб, 2021 йил сентябрида энг юқори чўққига чиққан.
Натижада Цукербергнинг бойлиги 136,4 миллиард долларга кўпайган. Ўшандан бери акциялар 74 фоизга арзонлашган, Facebook асосчиси эса тахминан 100 миллиард доллар йўқотган.
Аввалроқ Мета 2022 йилнинг учинчи чорагидаги заиф натижалар туфайли бозор капиталлашувининг 19 фоизини йўқотгани ҳақида хабар берилганди.
Учинчи чоракда соф фойданинг йиллик ҳисобда 52 фоизга, яъни 4,4 миллиард долларгача камайиши инвесторларнинг компания капиталидаги иштирокидан «оммавий чиқиб кетиш»ига олиб келди.
Мета компаниясининг инвестицион жозибадорлигининг пасайишининг асосий сабаблари сифатида рақамли реклама сегментидан тушадиган даромаднинг қисқаришини, шунингдек, бозор иштирокчиларининг метаверсе ва сунъий интеллект технологияларини ривожлантиришга нисбатан шубҳаси келтирилган.
Изоҳ (0)