Польшанинг СССРнинг Иккинчи жаҳон урушидаги ҳаракатлари туфайли етказилган зарарни қоплаш тўғрисидаги талабига жавоб беришнинг икки йўли мавжуд. Бундай фикрни 28 октябрь куни Россия Хавфсизлик кенгаши раиси ўринбосари Дмитрий Медведев билдирди.
«Россиядан ‘ҳарбий йўқотишлар’ учун компенсация талаб қилаётган польшалик дегенеративларга муносабат билдиришнинг икки йўли бор. Ёки улар учун социализм даврида СССР Польшага топширган ‘ҳамма нарса учун’ ҳисоб-китоб қилишлари. Бу эса юзлаб миллиард доллар тушади. Ёки талабларини шунчаки қайтиб олишлари лозим», — деб ёзади у Telegram’даги каналида.
Аввалроқ Польша Ташқи ишлар вазирлиги Россиядан мамлакат СССРнинг Иккинчи жаҳон уруши давридаги ҳаракатларидан кўрган зарар ва ҳарбий йўқотишларни ҳисоблаш ҳамда уларни қоплашни талаб қилиш режаларини эълон қилган эди.
15 сентябрь куни Польша президенти Анжей Дуда 15 сентябрь куни Москвани Варшавага товон пули тўлашга мажбурлаш ғоясини маъқуллаган эди. Польша раҳбарининг сўзларига кўра, уруш давомида Польша кўрган йўқотишлар 6,2 миллиард злотийни ташкил этади (тахминан 1,3 триллион доллар).
Бунга жавобан Россия Президентининг матбуот котиби Дмитрий Песков бундай ғоялар фақат мамлакат обрўсига путур етказишини ва нафақат Россия, балки Польшанинг ўз иттифоқчилари билан ҳам алоқаларни сезиларли даражада мураккаблаштиришини айтди.
Бунгача, 4 сентябрь куни Польшанинг Германияга Иккинчи жаҳон уруши давридаги йўқотишлар учун компенсация тўлаш тўғрисида нота юбориш режалари ҳақида маълум бўлган эди. Республика бош вазири Матеуш Моравецки Германия томони товон пули тўламаса, Польша халқида доимо адолатсизлик ҳисси пайдо бўлишини таъкидлаган эди.
Изоҳ (0)