Polshaning SSSRning Ikkinchi jahon urushidagi harakatlari tufayli yetkazilgan zararni qoplash to‘g‘risidagi talabiga javob berishning ikki yo‘li mavjud. Bunday fikrni 28-oktabr kuni Rossiya Xavfsizlik kengashi raisi o‘rinbosari Dmitriy Medvedev bildirdi.
“Rossiyadan ‘harbiy yo‘qotishlar’ uchun kompensatsiya talab qilayotgan polshalik degenerativlarga munosabat bildirishning ikki yo‘li bor. Yoki ular uchun sotsializm davrida SSSR Polshaga topshirgan ‘hamma narsa uchun’ hisob-kitob qilishlari. Bu esa yuzlab milliard dollar tushadi. Yoki talablarini shunchaki qaytib olishlari lozim”, — deb yozadi u Telegram’dagi kanalida.
Avvalroq Polsha Tashqi ishlar vazirligi Rossiyadan mamlakat SSSRning Ikkinchi jahon urushi davridagi harakatlaridan ko‘rgan zarar va harbiy yo‘qotishlarni hisoblash hamda ularni qoplashni talab qilish rejalarini e’lon qilgan edi.
15-sentabr kuni Polsha prezidenti Anjey Duda 15-sentabr kuni Moskvani Varshavaga tovon puli to‘lashga majburlash g‘oyasini ma’qullagan edi. Polsha rahbarining so‘zlariga ko‘ra, urush davomida Polsha ko‘rgan yo‘qotishlar 6,2 milliard zlotiyni tashkil etadi (taxminan 1,3 trillion dollar).
Bunga javoban Rossiya Prezidentining matbuot kotibi Dmitriy Peskov bunday g‘oyalar faqat mamlakat obro‘siga putur yetkazishini va nafaqat Rossiya, balki Polshaning o‘z ittifoqchilari bilan ham aloqalarni sezilarli darajada murakkablashtirishini aytdi.
Bungacha, 4-sentabr kuni Polshaning Germaniyaga Ikkinchi jahon urushi davridagi yo‘qotishlar uchun kompensatsiya to‘lash to‘g‘risida nota yuborish rejalari haqida ma’lum bo‘lgan edi. Respublika bosh vaziri Mateush Moravetski Germaniya tomoni tovon puli to‘lamasa, Polsha xalqida doimo adolatsizlik hissi paydo bo‘lishini ta’kidlagan edi.
Izoh (0)