Филиппин жанубидаги сув тошқинлари ва кўчкилар оқибатида камида 31 киши ҳалок бўлди. Бу ҳақда мамлакат оммавий ахборот воситаларига таяниб, «Интерфакс» хабар берди.
Қутқарув хизматлари қидирув ишларини давом эттирмоқда ва қурбонлар сони ортиши мумкинлигини истисно этмаяпти.
Филиппин таркибига кирувчи Минданао оролининг бир қанча ҳудудларида кўчкиларга сабаб бўлган тошқинлар қайд этилган. Аввалроқ мамлакат жанубида кучли ёмғир бошланганди.
Шу ҳафта бошида Филиппин шимолида 6,4 магнитудали зилзила содир бўлган эди. Ер силкинишлари Филиппин шимолидаги Лусон оролида, хусусан, пойтахт Манила шаҳрида энг кучли сезилган.
Изоҳ (0)