Криштиану Роналду «Манчестер Юнайтед»нинг асосий таркибига қайтади.
37 ёшли футболчи «Тоттенҳэм»га қарши ўйин якунланмасдан кийим алмаштириш хонасига йўл олган эди. Бунинг учун Роналду машғулотлардан четлатилиб, жаримага тортилганди.
Португалияликнинг таркибга қайтиш масаласи бош мураббий Эрик тен Ҳаг билан суҳбатдан сўнг ҳал бўлади.
Тен Ҳаг ўз фикридан қайтгани йўқ — у Криштиануни асосий таркиб футболчиси эмас, ўйинни кучайтирувчи вазифасида кўради. Мутахассис Роналду билан у ҳар бир ўйиннинг асосий дақиқаларидан майдонга тушмасликка тайёр ёки тайёр эмаслиги ҳақида суҳбатлашади.
Агар Криштиану бунга рози бўлиб, ўз ахлоқи учун узр сўраса, асосий таркиб машғулотларига қайтади, дея хабар беради The Athletic.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)