«Бока Хуниорс» Аргентина чемпионатининг 27-турида «Индепенденте» билан 2:2 ҳисобида дуранг ўйнади ва мамлакат чемпионлигини қўлга киритди.
Буэнос-Айрес клуби 27 турдан сўнг 52 очко жамғаришга муваффақ бўлди. Иккинчи ўринни 50 очко билан «Расинг», учинчи ўринни эса 47 очко билан «Ривер Плейт» жамоалари эгаллади. Иккала жамоа сўнгги турда ўзаро баҳс олиб борди ва «Ривер Плейт» 2:1 ҳисобида ғалаба қозонди.
Учрашувнинг 90-дақиқасида ҳисоб 1:1 бўлиб турган вақтда «Расинг» ярим ҳимоячиси Хонатан Галван пенальтини аниқ амалга ошира олмади. 95-дақиқада эса «Ривер Плейт» ҳужумчиси Мигел Борха ғалаба голини урди. Агарда «Расинг» зафар қучганда «Бока Хуниорс»дан ўтиб кетарди ва чемпионга айланар эди.
«Бока» ўз тарихида 29 марта Аргентина чемпионлигини қўлга киритди. Чемпионлик бўйича рекорд «Ривер Плейт»га тегишли. Жамоа 36 марта Аргентина Суперлигасида зафар қучган.
Изоҳ (0)