Европа Иттифоқи ва Жануби-шарқий Осиё давлатлари ассоциациясига аъзо бўлган 10 та давлат 14 декабрь куни Брюсселда бўлиб ўтадиган саммитга Россияни Украинадаги можаро ва Хитойни Тайванга қарши қаратилган ҳаракатларини қораловчи баёнот тайёрламоқда, деб ёзади Easy Daily.
«Биз Россиянинг Украинага қарши халқаро ҳуқуқни бузувчи тажовузкорлигини кескин қоралаймиз ва Россияни ҳарбий босқинини зудлик билан ва сўзсиз тўхтатишга ҳамда Украина ҳудудидан барча кучлар ва ҳарбий техникани олиб чиқиб кетишга чақирамиз», — дейилади портал баёнот лойиҳасида.
Ҳужжатда Хитойнинг ҳаракатларини қоралаш ҳам режаланган.
«Жанубий Хитой денгизида биз денгиз хавфсизлиги, навигация ва ҳавода парвозлар эркинлигини таъминлаш тарафдоримиз. Биз Тайван бўғозида сўнгги пайтларда кескинлик кучайганидан хавотирдамиз ва куч ишлатишга қаршимиз. Биз Тайван бўғозида тинчлик ва барқарорлик муҳимлигини таъкидлаймиз ва Тайван бўғози билан боғлиқ муаммоларни тинч йўл билан ҳал қилишга чақирамиз», — дейилади баёнот лойиҳасида.
Европа Иттифоқи ва Жануби-Шарқий Осиё давлатлари ассоциацияси 14 декабрь куни Брюсселда миллий етакчилар йиғилишини ўтказиб, икки ассоциация ўртасидаги савдо-сотиқни кенгайтириш масалаларини муҳокама қилади. Nikkei газетасининг Европа расмийсига таяниб ёзишича, Европа Иттифоқи Россия билан кескин муносабатлар ва Хитой билан келишмовчиликлар туфайли АSEAН билан муносабатларни мустаҳкамлашга, Жануби-Шарқий Осиё давлатларининг Россия Федерацияси ва Хитой билан яқинлашишига йўл қўймасликка, Индонезия билан музокараларни фаоллаштиришга, Филиппин, Малайзия ва Таиланд ресурсларга бой Россияга қарамлигини камайтириш учун эркин савдо тўғрисида шартномалар тайёрламоқчи.
Изоҳ (0)