Европа Иттифоқи Эроннинг Shahed дрон ишлаб чиқарувчи Shahed Aviation Industries компаниясига ҳамда Ислом Республикасининг уч нафар генералига қарши санкциялар киритди, деб ёзади «Life.ru».
«Эрон режими Россиянинг Украинага қарши асоссиз ва ўринсиз тажовузига ҳарбий ёрдам кўрсатмоқда. Вазиятнинг оғирлигини ҳисобга олиб, Евроиттифоқ Кенгаши Россияга дронларни етказиб бериш билан боғлиқ уч шахс ва бир ташкилотни ҳам санкциялар рўйхатига киритишга қарор қилди», — дейилади хабарда.
Аввалроқ АҚШ Давлат департаменти Эронга қарши янги санкциялар жорий этилиши мумкинлиги билан таҳдид қилганди. Вашингтонда бунга сабаб сифатида Теҳроннинг Россияга «хавфли қурол» етказиб бераётганини кўрсатган.
Изоҳ (1)
Жуда кизикда, бу ишни килиш учун БЕТ булиши керак. Узлари кандай куроллар етказиб бераяпти. Уруршни хеч качон окламайман.
Килаётган иши худдики: "Бировни бир шапалок урса, у жавоб кайтарса, жавоб кайтарган одамни бошкаларга ёмонлаб чикса". Бунака холатни богчаларда кичкина кизчаларда курсаиз )))