Норматив-ҳуқуқий ҳужжатлар лойиҳалари муҳокамаси порталида Вазирлар Маҳкамасининг «Аҳолини ичимлик суви билан таъминлаш ва оқова сув хизматлари кўрсатишни янада такомиллаштиришнинг қўшимча чоралари тўғрисида»ги қарори лойиҳаси эълон қилинди.
Унга кўра, 2023 йилдан бошлаб ҳар йили давлат ижтимоий буюртмалари доирасида аҳоли пунктларини марказлашган ичимлик сув ва оқова сув чиқариш хизмати билан таъминлаш учун 50 миллиард сўм миқдорида маблағлар ажратиб борилиши кўзда тутилган.
Шунингдек, қарор билан давлат ижтимоий буюртмалари доирасида аҳоли пунктларини марказлашган ичимлик суви ва оқова сув чиқариш хизмати билан таъминлаш лойиҳаларини нодавлат нотижорат ташкилотлари ва фуқаролик жамиятининг бошқа институтлари иштирокида амалга ошириш тартиби тўғрисидаги низом тасдиқланади.
Марказлашган ичимлик суви таъминоти етиб бормаган аҳоли пунктларини ичимлик суви билан таъминлашнинг манзилли рўйхатини шакллантириш Қорақалпоғистон Вазирлар Кенгаши ва вилоятлар ҳокимликлари ҳамда лойиҳа бошқарувчиси ҳисобланган ННТ зиммасига юклатилади.
Мавзуга доир:
Изоҳ (0)