Hyundai тадқиқот институти мутахассислари ҳисоб-китобларига кўра, Кореянинг оммабоп BTS гуруҳи аъзолари армияга юборилиши натижасида мамлакат миллиардлаб доллар йўқотиши мумкин. Бу ҳақда The Korea Herald хабар бермоқда.
Таҳлилчилар маълумотларига кўра, гуруҳ фаолияти Жанубий Корея иқтисодиётига йилига қарийб 3,6 миллиард доллар олиб келади. Шунингдек, BTS’га алоқадор буюмлар ва косметика сотувидан давлат хазинасига 1,1 миллиард доллардан ортиқ маблағ тушади. Бундан ташқари, маълумотларга кўра, 2017 йилда сайёҳларнинг ҳар 13-си мамлакатга фақат BTS гуруҳи учун келган.
Аввалроқ Жанубий Кореянинг BTS поп-гуруҳининг етти нафар иштирокчиларининг барчаси армияга кетиши маълум бўлганди.
Жанубий Корея қонунларига мувофиқ, 18 ёшдан 28 ёшгача бўлган меҳнатга лаёқатли эркакларнинг барчаси армияда 18 ойдан 21 ойгача муддат давомида хизмат ўташи керак. ОАВлар хабарига кўра, Жанубий Корея парламенти 2020 йилда K-pop юлдузлар учун атайлаб армияга чақирилиш ёшини 30 ёшгача кўтарган.
BTS «тахминан 2025 йилда» қайта йиғилиши хабар берилди.
Кейинроқ мамлакат Мудофаа вазирлиги гуруҳ аъзолари армияда хизмат ўташ чоғида ҳам миллий даражадаги концертлар ва тадбирларда чиқиш қилиши мумкинлигини маълум қилди.
Изоҳ (0)