Қозоғистон президенти Қосим-Жўмарт Тўқаевнинг Украина душманлари деб ҳисобланган кишилар шахсий маълумотлари чоп этиладиган «Тинчликпарвар» веб-сайти рўйхатига киритилгани Киевнинг расмий позициясини акс эттирмайди. Бу ҳақда Қозоғистон бош вазири ўринбосари ва ташқи ишлар вазири Мухтор Тловберди матбуот анжуманида маълум қилди.
Украинанинг «Тинчликпарвар» веб-сайти 2014 йилда яратилган.
Келинг, ‘Тинчликпарвар’ маркази ўзи нима эканига тўхталиб ўтамиз. Веб-сайтнинг ўзида таъкидланганидек, бу журналистлар, экспертлар ва бошқалар томонидан яратилган нодавлат ташкилотдир. У нодавлат тузилма бўлгани учун, табиийки, Украина ҳукуматининг расмий позициясини акс эттирмайди, — деди Қозоғистон ТИВ вазири.Вазирнинг қайд этишича, рўйхатга тушиш Тўқаевни ҳеч қандай тарзда обрўсизлантирмайди.
Бу давлат ресурси эмас. Ҳеч қандай таҳдид йўқ, акс ҳолда бу мавзу, жумладан, махсус хизматлар томонидан муҳокама қилинар эди. ‘Тинчликпарвар’ веб-сайтининг президент баёнотига ҳаволасида мен соф сиёсий нарсани кўрмаяпман», — дея қўшимча қилди ТИВ раҳбари.19 октябрь куни Тўқаев «Россиянинг 2014 йилда Украинага қилган тажовузини жамоатчилик олдида инкор этгани» учун «Тинчликпарвар» веб-сайти маълумотлар базасига киритилгани ҳақида хабар берилди. Веб-сайтда Тўқаевнинг Deutsche Welle билан 2019 йилдаги интервьюсидан иқтибос келтирган. Унда давлат раҳбари Қозоғистон «Қримда содир бўлган воқеаларни аннексия деб атамаслигини» айтган. Шунингдек, у «Россия раҳбариятининг доно ва виждонли эканига ишонишини» таъкидлаган.
Шу билан бирга, июнь ойида Тўқаев Қозоғистон ДХР ва ЛХР «квазидавлат ҳудудларини» тан олмаслигини айтган эди. Украина президенти Владимир Зеленский билан июль ойида бўлиб ўтган суҳбатда у Қозоғистоннинг можарони дипломатик йўл билан ҳал қилиш бўйича позициясини тасдиқлаган.
«Тинчликпарвар» маълумотлар базасига кўплаб сиёсатчилар (жумладан, давлат раҳбарлари), журналистлар ва жамоат арбоблари киритилган. Май ойи бошида сайтда Венгрия бош вазири Виктор Орбаннинг маълумотлари акс этган карта пайдо бўлди, база яратувчилари уни «Украинага қарши тарғиботчи» ва «Россия жиноятларига шерик» деб атаган.
Изоҳ (0)