Португалиянинг Азор ороли қирғоқлари яқинида оғирлиги 2744 килограмм бўлган ўлик Ой балиқ топилди — бу оғирлик суякли балиқлар учун мутлақ рекорддир. Унинг баландлиги 3,5 метр, узунлиги эса 3,6 метр, деб хабар бермоқда Live Science.
Биологлар Ой балиқни юк кўтарадиган машина ва саноат тарозилари ёрдамида тортиб кўрди, сўнг унинг танасини ёрди. Улар ДНК ва ошқозон таркибидан намуналар олди.
Вазни енгил автомобиль оғирлигидан кўпроқ бўлган бундай балиқлар камдан-кам учрайди. Аввалги рекордни 2300 килограмм оғирликдаги Ой балиқ урганди. Умуман олганда, бу турдаги балиқлар замонавий суякли балиқларнинг энг оғири ҳисобланади. Уларнинг вазни одатда икки тоннага етади.
Ой балиқлар барча океанларнинг тропик ва мўътадил сувларида яшайди. Уларнинг аниқ сони номаълум. Баҳор ва ёзда Атлантика океанининг шимоли-ғарбий қисмида уларнинг популацияси 18 000 та деб баҳоланади.
Изоҳ (0)