Россиядаги «Сахалин-1»нинг собиқ оператори нефть ва газ лойиҳаси учун янги оператор яратилганидан сўнг, мамлакатни бутунлай тарк этишини эълон қилди. Бу ҳақда «Коммерсантъ» хабар бермоқда.
Аввалроқ «Сахалин-1»да ишлаб чиқариш Exxon компанияси нефтни Sovcomflot танкерларига жўнатишдан бош тортгани сабабли тўхтатилганди.
Биз хавфсиз чиқиб кетганимизни тасдиқлай оламан. Иккита фармон билан Россия ҳукумати бизнинг «Сахалин-1»даги манфаатларимизни бир томонлама бекор қилди ва лойиҳа Россия операторига топширилди, — деди компания вакили.
7 октябрь куни Россия президенти Владимир Путин Россиянинг «Сахалин-1» операторини яратиш тўғрисидаги фармонни имзолади, унга кўра мавжуд оператор Exxon Neftegas Limited’нинг барча ҳуқуқ ва мажбуриятлари МЧЖга ўтади.
14 октябрь куни «Сахалин-1» МЧЖ сифатида рўйхатга олинди, унинг бошқарувчи компанияси эса «Роснефть» бўлди.
Лойиҳа акциялари Япониянинг Sodeco (30 фоиз) ва Ҳиндистоннинг ОNGC (20 фоиз) компанияларига тегишли. Улар бир ой ичида янги оператордаги мутаносиб улушга эгалик қилиш ҳақидаги келишувларини тасдиқлашлари керак.
ExxonMobil — штаб-квартираси Ирвингда (Техас) жойлашган Америка кўптармоқли нефть ва газ корпорациясидир.
У Жон Рокфеллерга тегишли бўлган Standard Oil компаниясининг энг йирик тўғридан-тўғри авлоди бўлиб, 1999 йил 30 ноябрда Exxon ва Мобил компанияларининг қўшилиши натижасида ташкил топган.
Изоҳ (0)