Ўзбекистонда энг кўп ипотека кредити ажратган банклар рўйхати эълон қилинди

Ўзбекистонда январь—сентябрь ойларида энг кўп ипотека кредити ажратган банклар рўйхати маълум бўлди. Бу ҳақда Молия вазирлиги хабар бермоқда.

2022 йилнинг октябрь ойи ҳолатига кўра, янги тартиб доирасида банклар томонидан умумий 5,8 трлн сўмлик ипотека кредити ажратилган.

Маълумотларга кўра, «Қишлоқ қурилиш банки» ипотека кредити бераётган 12 та банк орасида етакчилик қилмоқда. Йил бошидан бери банк томонидан 1,5 трлн сўмлик бундай кредити ажратилган.

Иккинчи ўринда 1,2 трлн сўм кредит берган «Ипотека банк» жойлашган. Учинчи ўринни эса «Ўзмиллийбанк» 1,05 трлн сўмлик ипотека кредити билан эгаллаган.

Берилган ипотека кредитларининг қиймати бўйича кейинги ўринларда:

• «Халқ банки» — 565 млрд сўм;
• «ОФБ» — 449 млрд сўм;
• «Микрокредитбанк» — 207 млрд сўм;
• «Ҳамкорбанк» — 183 млрд сўм;
• «ЎзСҚБ» — 173 млрд сўм;
• «Агробанк» — 151 млрд сўм;
• «Алоқабанк» — 143 млрд сўм;
• «Асакабанк» — 139 млрд сўм билан жойлашган.

«Туронбанк» жорий йил бошидан бери 111 млрд сўмлик ипотека кредити билан энг охирги ўрини эгаллаган.

Аввалроқ сентябрь ойида янги уйлар нархи қандай ўзгаргани ҳақида хабар берилганди.