Foydali va mazali suli yormasi: nonushta uchun mukammal ta’mga ega 4 xil bo‘tqa retsepti

Suli yormasi — eng yaxshi nonushta taomi hisoblanadi. Shu bilan birga, o‘zining ozuqaviy xususiyatlari, foydali makro va mikroelementlar miqdori bo‘yicha suli yormasi superfudlardan kam emas. Bundan tashqari, ushbu mahsulot ertalab metabolizmni mukammal darajada tezlashtiradi, toksinlarni yo‘qotadi va kayfiyatni yaxshilaydi. “Elle.ru” nashri suli yormasidan tayyorlanadigan mazali bo‘tqalar retseptini taqdim etdi.

Oddiy usulda pishiriladigan suli yormasi 

• suli yormasi — 100 g
• suv — 200 ml
• sut — 100 ml
• qaymoq — 50 g
• sariyog‘ — 10 g
• tuz — 2 g
• shakar — 5 g
• malina — 10 g
• qulupnay — 10 g
• qorag‘at — 5 g
• yong‘oq — 5 g
• asal yoki sirop — 5 g
• yangi yalpiz - 2 ta barg

1. Eng yaxshi suli yormasi ikki bosqichda tayyorlanadi. Birinchisi — “asos” qismini tayyorlash. Buning uchun suvni qaynatib oling va 10 daqiqa davomida sekinlik bilan ko‘pirtirilgan yormani qo‘shing. Tayyor “asos”ni tekis idish ustiga qo‘ying, uni vilkalar bilan aralashtiring va agar bo‘laklar mavjud bo‘lsa ularni maydalang. Yormani 15-20 daqiqa sovitish uchun qoldiring.
2. Sut, qaymoq va sariyog‘ni idishga quying. Qaynating va unga birinchi bosqichda olingan “asos”ni qo‘shing. Tuz va shakarni ta’bga ko‘ra qo‘shib o‘rtacha olovda qaynating. Mahsulotlarni aralashtirib, bo‘tqani yetarlicha qattiqlik holatiga keltiring — u juda suyuq yoki quyuq bo‘lmasligi kerak.
3. Bo‘tqani idishga soling va unga turli xil mevalarni: malina, qulupnay, qorag‘at, yong‘oq, asal yoki sirop qo‘shing. Tayyor taomni yalpiz barglari bilan bezating.

Olma, asal va shokolad qirindisi qo‘shib tayyorlanadigan yormali bo‘tqa 

• suli yormasi — 150 g
• sut — 200 ml
• quritilgan olma — 15 g
• maydalangan shokolad — 5 g
• sariyog‘ — 10 g
• asal — 20 g

1. Sutni suv bilan aralashtiring (70 foiz sut — 30 foiz suv nisbatida), unga suli yormasini qo‘shing va 7 daqiqa davomida pishiring. Keyin tuz, shakar va sariyog‘ qo‘shib aralashtiring.
2. Bo‘tqani idishga soling. Ustiga quritilgan olma, shokolad qirindisi va bir qoshiq asal soling.

Quruq mevalar va yong‘oqdan tayyorlanadigan mazali bo‘tqa retsepti

• suli yormasi — 125 g
• sut — 600 ml
• qaymoq — 80 ml
• tuz, shakar — ta’bga ko‘ra
• mayiz — 50 g
• quritilgan o‘rik — 50 g
• xurmo — 50 g
• klyukva — 50 g
• asal — 50 g
• dolchin — 2 g
• yong‘oq — 60 g
• sariyog‘ — 60 g

1. Quritilgan mevalarni oldindan namlang: yuving, idishga suv soling va mevalarni qaynatib oling. Unga asal, dolchin qo‘shing va 10 daqiqa davomida pishiring.
2. Sut, qaymoq qo‘shib suli yormasini qaynatib oling. Tayyor bo‘lishdan bir necha daqiqa oldin quritilgan mevalarning tayyorlangan aralashmasini bo‘tqaga qo‘shing.
3. Bo‘tqani dasturxonga tortishdan oldin sariyog‘ qo‘shing. Uni idishga soling va ustiga maydalangan yong‘oqni seping.

Mevali murabbo qo‘shib tayyorlanadigan bo‘tqa

• suli yormasi — 55 g
• dolchin — 3 g
• tuz — 3 g
• quyultirilgan sut — 44 g
• sariyog‘ — 15 g
• sut — 70 ml
• mevali murabbo — 42 g

1. Sut, quyultirilgan sut, dolchin va tuzni aralashtiring. Mahsulotlarni qaynating va unga suli yormasini qo‘shing. Bo‘tqani 7-10 daqiqa qaynatib oling.
2. Tayyor bo‘tqaning ustiga mevali murabboni solib dasturxonga torting.

Mavzuga doir:

• Qaysi yormadan tayyorlangan bo‘tqa nonushta uchun eng foydali?
• Antiqa taom: Qovoq ichida guruchli bo‘tqa retsepti.
• Nonushta uchun eng foydali bo‘tqa qaysi?
• Guruchli bo‘tqa, pishloqli oladye, tuxumli salat − glyutensiz mazali nonushta tayyorlaymiz.