Британиялик таниқли ижодкор Род Стюарт Украинадан келган қочқинлар оиласига ўз уйини берди. Хонанда ва мусиқачи Род Стюарт ва рафиқаси Пенни Россия Украинага бостириб кирганидан хабар топгач, украиналикларга ёрдам қўлини чўзишга қарор қилган, деб ёзади The Mirror.
Дастлаб улар қочқинлар учун ёрдам ортилган юк машиналарини юборган. Сўнг 16 кишини Украинадан Берлинга олиб ўтган. Етти нафар украиналикка эса Стюартнинг ўзи бошпана берди.
Эр-хотин Ростислав ва Елена ҳамда уларнинг беш нафар фарзанди айни пайтда Беркшир графлигидаги коттежда яшайди. Молиявий харажатларнинг барчасини санъаткор ўз зиммасига олган.
Август ойида Украина президенти Владимир Зеленский уруш бошланганидан кейин Украинани қўллаб-қувватлаган таниқли чет элликларни давлат мукофотлари билан тақдирлаган эди. Улар орасида АҚШнинг Россиядаги собиқ элчиси Майкл Макфол, дизайнер Демна Гвасалия, актёрлар Шон Пенн, Бен Стиллер, Лив Шрайбер, актриса Жессика Честейн бор.
Мавзуга доир:
- Британия қироличаси хонанда Род Стюартга рицарлик унвонини берди
- «Хаёлим аёллар ва болаларда». Голливуд юлдузи Пенелопа Крус украиналикларни кўзда ёш билан қўллаб-қувватлади
- «Миллионлаб одамлар хавф остида». Голливуд актрисаси Кейт Бланшетт Украинадаги уруш ҳақида видеомурожаат йўллади
- Стивен Кинг Россияда ўз китобларини чоп этмасликка қарор қилди. У мамлакатда асарлари энг кўп нашр қилинадиган ёзувчи
Изоҳ (0)