Давлат экология қўмитаси тасарруфидаги «Ҳисор» давлат қўриқхонасига ўрнатилган фотоқопқонларга тушган тасвирларда баъзан табиат гўзалликлари ўзига хос уйғун тарзда намоён бўлади, деб хабар бермоқда Экоқўмита ахборот хизмати.
«Ушбу видеотасвирда ҳам шу ҳолатни кўриш мумкин, яъни харсангтошлар орасида озиқ излаб юрган жайралар тасвири ёнида какликнинг сайраши ҳам тиниқ ҳолда камерага муҳрланган», — дейилади қўмита хабарида.
Қайд этилишича, жайра табиий мажмуаларда кенг тарқалган оддий тур ҳисобланади. Ўсимликлар илдизи, пиёзлари ва ёш куртаклари билан озиқланади. Дарахтлардаги мевалар пишганида, ерга тўкилган меваларни хуш кўриб ейди.
Кузатишларга кўра, жайра қўриқхонанинг Ғилон, Мираки, Танхоздарё, Қизилсув бўлимларида кўпроқ учраши аниқланган.
Изоҳ (0)