Наманганда мактаб ўқувчисини машина уриб, учириб юборгани акс этган видео ижтимоий тармоқларда тарқалди. Вилоят ИИБ ЙҲХБ ҳолат юзасидан маълумот берди.
Маълум қилинишича, воқеа 27 сентябрь куни, соат 11:50 ларда «Нуробод» МФЙ ҳудудидан ўтган автомобиль йўлида юз берган. Наманган шаҳар йўналишига ҳаракатланиб кетаётган Epica ҳайдовчиси ҳаракат хавфсизлигини таъминлай олмай, йўлни кесиб ўтаётган 2013 йилда туғилган пиёдани уриб юборган.
Ҳодиса оқибатида бола тан-жароҳати билан шифохонага ётқизилган.
Ҳозирда ҳолат юзасидан Наманган шаҳар ИИО ФМБ ҳузуридаги Тергов бўлими томонидан тергов ҳаракатлари олиб борилмоқда.
Мавзуга доир: Тошкент вилоятида йўлдан ўтаётган ўқувчини Damas уриб кетди
Изоҳ (0)