Ўзбекистонда қайси вилоят аҳолиси энг кўп экани маълум қилинди

Давлат статистика қўмитаси 2022 йилнинг 1 октябрь ҳолатига кўра Ўзбекистондаги энг катта ҳудудий бирликларнинг доимий аҳолиси сони ҳақида маълумот берди.

Унга кўра, энг кўп аҳоли Самарқанд вилоятида жойлашган. Ҳудудда 4 миллион 94,6 минг киши яшайди. Кейинги ўринлардан Фарғона ва Қашқадарё вилоятлари ўрин олган бўлса, аҳолиси сони энг кам ҳудуд ҳали ҳамон — Сирдарё вилояти. Ҳудуд 1 миллион нафар аҳолига эга бўлмаган ягона вилоят ҳисобланади.

Тўлиқ рўйхат қуйидагича:

• Самарқанд вилояти – 4 094,6 минг киши;
• Фарғона вилояти – 3 954,2 минг киши;
• Қашқадарё вилояти – 3 461,4 минг киши;
• Андижон вилояти – 3 304,2 минг киши;
• Тошкент вилояти – 2 977 минг киши;
• Наманган вилояти – 2 979,3 минг киши;
• Тошкент шаҳри – 2 934,1 минг киши;
• Сурхондарё вилояти – 2 789,3 минг киши;
• Бухоро вилояти – 2 000,3 минг киши;
• Қорақалпоғистон Р. – 1 970,6 минг киши;
• Хоразм вилояти – 1 947,1 минг киши;
• Жиззах вилояти – 1 466,6 минг киши;
• Навоий вилояти – 1 050,1 минг киши;
• Сирдарё вилояти – 892,2 минг киши.