Янги пойабзал сотиб олаётганда кейинчалик ноқулайлик ва қўшимча харажатларнинг олдини олиш учун баъзи жиҳатларга эътибор қаратиш лозим.
Пойабзални эрталаб сотиб олиш
Кўриниб турибдики, пойабзал харид қилиш учун дўконга қачон бориш ҳам муҳим жиҳат. Кун давомида юрганингиздан сўнг оёқлар шишиши мумкин. Эрталаб эса сизга керак бўлган пойабзални ҳеч бир муаммосиз сотиб олишингиз мумкин.
Ҳар доим битта пойабзал кийиш
Ҳар биримизнинг севимли пойабзалимиз бор. Лекин қанчалик қулай бўлишидан қатъи назар, доимо битта нарсани кийиш ярамайди. Бунинг модага ҳеч қандай алоқаси йўқ. Оёқ кийимларини кун ора алмаштириб кийган маъқул, шунда пойабзал ёки кроссовка кўпроққа чидайди.
Бундан ташқари, ҳар куни бир хил оёқ кийим кийиш муайян қисмларнинг, айниқса, ички ва ташқи тагликнинг эскиришига олиб келади. Шу сабабли нотўғри қадам ташлаймиз ва шу билан оёқларимизга зарар етказамиз.
Оёқ ўлчамини билиб, оёқ кафти узунлигини билмаслик
Оёқ кафти узунлигини аниқ билиш пойабзал харид қилишда фойда беради. Ҳар бир бренд ўзининг ўлчамли сеткасига эга, шунинг учун қутидаги рақамларга эмас, балки оёқ узунлигига қараган маъқул. Шуни ҳам унутмаслик керакки, оёқ ўлчами турли сабабларга кўра ўзгариши мумкин. Масалан, ҳомиладорлик ёки килограмм ортиши туфайли. Буни ҳисобга олган ҳолда пойабзал дўконига боришдан олдин оёғингизни қайта ўлчаган яхши.
Пойабзални таглик материалини ҳисобга олмаган ҳолда сотиб олиш
Пойабзал таглигининг материалига ҳам эътибор қаратиш керак, чунки у қулайлик учун жавобгар. Мисол учун, спорт пойабзаллари мослашувчан бўлиши керак. Агар каучук таглик танласангиз, у қишда эгилмаслигини унутмаслик лозим.
- Чарм таглик юмшоқ ва ялтироқ бўлади. Бармоғингиз билан босганингизда улар овоз чиқаради.
- Каучук таглик жилосиз бўлиб, тегилса деярли овоз чиқармайди.
- Полиуретан таглик осонгина эгилади. Қўлингиз сирғалиб кетмайди.
Танамиз симметрик эмас. Кўпинча бир оёқ бошқасидан бироз каттароқ бўлиши мумкин. Шунинг учун иккала этик ёки иккала пойабзални ҳам кийиб кўриш, оёқ кийим чап ва ўнг оёққа мос келишига ишонч ҳосил қилиш керак.
Фақат пошнага эътибор бериш
Пошнали туфли ноқулайлик туғдирмаслиги керак. Юпқа тагликли пойабзалдан воз кечган маъқул. Қалин таглик ёки платформали пойабзал оёқларингиздаги босимни тақсимлайди.
Шиппакни узоқ вақт давомида кийиш
Ёзда шиппакларнинг бозори чаққон бўлади, чунки уларни кийиш қулай. Бироқ бундай турдаги пойабзалларни узоқ вақт кийиш тавсия этилмайди. Бу қадам босишни ўзгартириши мумкин, чунки оёқ кийимни жойида ушлаб туриш учун бармоқларни сиқиб ушлаймиз. Узоқ муддатда бу нарса баъзи муаммоларга олиб келиши мумкин.
Изоҳ (0)