Қишда уйда картошкани қандай сақлаш керак? Совуқ ертўла ва гараж эгалари узоқ вақтдан бери картошкаларни қандай салаш керак деган муаммони унутган. Картошкани квартирада ёки бошқа иссиқ хонада сақламоқчи бўлганлар учун эса бир нечта фойдали маслаҳатлар зарар қилмайди, деб ёзади «Новий очаг».
Картошка кундалик ва байрамона таомларнинг ажралмас маҳсулотидир. Картошка йиғим-терими одатда кузнинг бошида бўлади, шунинг учун одамлар муҳим саволга дуч келади — қишда картошкани қандай сақлаш керак? Бунинг учун ҳосил музламайдиган, чиримайдиган, униб чиқмайдиган ва шу билан бирга озуқавий қийматини сақлайдиган жой танланиши керак.
Картошкани уйда қандай сақлаш керак?
Картошка хона ҳароратида яхши сақланади. Картошканинг ширалилиги ва мустаҳкамлигини сақлаш учун 4-7 даража ҳарорат керак. Шунга қарамай, баҳоргача иссиқ хонада ушбу машулотнинг кичик ҳосилини сақлаш мумкин.
Ўрим-йиғимдан кейин картошкани камида 3-4 соат давомида сояда қуритиш тавсия этилади, шунда ёпишган тупроқ қурийди ва маҳсулот ажралади. Ушбу оддий процедура кейинчалик картошканинг чириши эҳтимолини камайтиради. Кейин эса картошка касал ва шикастланганларидан сараланиши керак.
Квартирада картошкани сақлаш усуллари
Тўғри, квартира картошкани сақлаш учун яхши жой эмас. Айниқса, бир нечта қоплар ҳақида гап кетганда. Квартирада картошкани сақлаш учун қулай вариант — бу балкон. Қишда балконда картошкани сақлаш учун мақбул ҳарорат сақланади. Агар балконда деразалар кўп бўлса, ташқаридаги ҳароратни кузатиб туриш лозим. Борди-ю, ҳарорат кескин пасайса, картошкаларни ёғочдан ясалаган қутиларга жойлаш тавсия этилади.
Картошкалар сифати бузилмаслиги учун ошхонада қандай сақлаш керак:
- қоронғи, нисбатан салқин жой;
- ошхонадаги ҳарорат +18 даражадан ошмаслиги керак;
- сабзавотлар ёғоч идишга ёки тўқилган саватда бўлиши лозим.
Картошкани омборхонада сақлаш
Одатда ошхонада фойдаланиш учун бир неча килограмм картошкани қолдириб, қолганини омборхонада сақлаш мумкин. Омборхонага қуёш нури тушмаганлиги сабабли у ерда маҳсулот яхши ҳолатда сақланади. Агар пластмасса ёки ёғоч қутилар бўлса, уларнинг ичида картошкаларни тўғридан-тўғри сақлаш мумкин. Устига қуритилган ялпиз кукунини сепиш картошакаларни зараркунандалардан ҳимоя қилади.
Квартирада картошкани сақлаш учун фойдали маслаҳатлар
Квартира узоқ вақт давомида картошкани сақлаш учун қулай жой бўлмаса-да, бунинг мақбул усулини топиш мумкин.
Ёзда картошкани сақлаш қийин — маҳсулот иссиқдан қурийди. Бунинг учун картошканинг ёнига сув қўйиш керак.
Ошхонадаги раковина остида ҳам оз миқдордаги сабзавотларни сақлаш мумкин.
Ялпиз ёки олма барглари картошка қутиларига солиб қўйилса, маҳсулот тез униб чиқмайди. Уларни бошқа сабзавотлардан алоҳида сақлаш тавсия этилади.
Картошка солинган қутиларни деворга яқинлаштирмасдан, полдан 15-20 сантиметр баландликда жойлаштириш керак.
Занжабил илдизи, лавлаги, пиёз қобиғи, ялпиз, шувоқ каби ўсимликлар картошкани яхши сақлашга ёрдам беради.
Барча қоида, маслаҳат ва тавсиялардан хулоса қилиш мумкинки, картошкани квартирада совуқ хонада сақлаш, ҳосилни табиий ва сунъий ёруғликдан чеклаш жуда мумкин. Шунчаки ҳарорат ва намлик шароитларини доимий равишда бир хилда ушлаб туриш, ҳаво киришини таъминлаш, вақти-вақти билан сабзавотларни саралаш керак.
Изоҳ (0)